अछाम – प्रतिनिधिसभा सदस्य निर्वाचन अन्तर्गत अछाम–२ मा यज्ञ बहादुर बोगटी विजयी भएका छन् ।

नेपाल कम्युनिस्ट पार्टी (एमाले)का उम्मेदवार बोगटीले ९ हजार ५१८ मत प्राप्त गर्दै प्रतिनिधिसभा सदस्यमा निर्वाचित भएका हुन् । उनका निकटतम प्रतिस्पर्धी नेपाली कांग्रेसका पुष्प बहादुर शाहले ९ हजार ४६ मत प्राप्त गरेका छन् । बोगटीले शाहलाई ४७२ मतान्तरले पराजित गरेका हुन् ।

त्यसैगरी नेपाल कम्युनिस्ट पार्टीका उम्मेदवार बलबहादुर कुँवरले ६ हजार ४९३ मत प्राप्त गरे । यस निर्वाचन क्षेत्रमा राष्ट्रिय स्वतन्त्र पार्टी (रास्वपा)का उम्मेदवार भुपदेव शाह भने चौथो स्थानमा सीमित भएका छन् ।

उनले ४ हजार ५६२ मत मात्रै प्राप्त गरे । देशभर रास्वपाका उम्मेदवारहरू विजयी भइरहेका बेला अछाम–२ मा भने भुपदेवले अपेक्षित नतिजा ल्याउन सकेनन् ।

भुपदेव शाह बालेन शाह काठमाडौँ महानगरपालिकाको मेयर हुँदा उनका स्वकीय सचिवका रूपमा कार्यरत थिए ।