काठमाडौं– चितवनको भरतपुरमा अन्तर्राष्ट्रिय डेरी एक्पो शुरु भएको छ ।  

डेरीमा प्रविधि अर्थतन्त्रमा समृद्धि भन्ने नाराका साथ शुरु भएको एक्पो ५ दिन सम्म सञ्चालन हुने चितवन जिल्ला दुग्ध उत्पादन सहकारी संघ र चितवन उद्योग संघले जनाएको छ । एक्स्पोमा डेरीजन्य उत्पादन तथा मेसिन र प्रविधिका साथै दुग्ध किसान सहकारी र दुग्ध उत्पादनहरूको स्टलहरू रहेका छन् ।

साना देखि ठुला किसानलाई दुग्ध उत्पादनमा मेसिन र प्रविधि बारे जानकारी गराउने मुख्य उद्देश्य रहेको एक्पोमा नेपाल र भारतका उद्योगी व्यवसायीहरूका साथै गाई भैँसी पालनमा प्रयोग हुने औषधी पशु आहार बारे पनि जानकारी गराउने रहेको आयोजकले जनाएको छ ।

उत्पादनको हिसाबले आत्मनिर्भर हुँदै गरेको दूधबाट विभिन्न औद्योगिक उत्पादन गर्ने प्रयोजनका लागि किसानहरूलाई मेशिन उपकरणको अवलोकनको अवसर प्रदान गर्न पनि एक्स्पो उपयोगी हुने आयोजकको दाबी छ ।