काठमाडौं – धादिङमा दुई बस जुद्धा पाँच जना घाइते भएका छन् । धादिङको थाक्रे–६ को दशकिलोमा आइतबार बिहान दुई बस ठोक्किँएका हुन्।
दाङबाट काठमाडौँ आउँदै गरेको र काठमाडौँबाट धादिङ जाँदै गरेका दुई बस ठक्कर खाँदा दुर्घटना भएको जिल्ला प्रहरी कार्यालय, धादिङले जनाएको छ ।
बस ठोक्किँदा सडक छेउमा रहेको चिया पसल र त्यहाँ रहेका मानिससमेत घाइते भएका छन् । दुर्घटनामा गम्भीर घाइते भएका पाँच जनालाई उपचारका लागि काठमाडौं पठाइएको छ ।
दुई बस ठोक्किएपछि एउटा बस अनियन्त्रित भएर चिया पसलमा पुग्दा त्यहाँ बसेका अन्य सर्वसाधारणसमेत घाइते भएका हुन् । घटनाको थप विवरण आउन बाँकी छ ।
प्रतिक्रिया