एजेन्सी– जुलाई –३० देखि अगस्ट –७ सम्मको मनसुनी वर्षाका कारण म्यान्माको अय्यारवाडी क्षेत्रको न्गावुन नदीको बाँध फुटेर आएको बाढीबाट ४० हजार भन्दा बढी मानिसहरु प्रभावित भएको राष्ट्रपतिको कार्यालयले समाज कल्याण, राहत र पुनर्स्थापना मन्त्रालयलाई उद्धृत गर्दै जनाएको छ । 

जुलाई-३० मा आय्यारवाडी क्षेत्रको लेमेत्ना बस्तीमा नदीको बाँध फुटेर आएको पानीका कारण  जमिन भासिएको जनाइएको छ ।

बाढी पीडितलाई सहयोग गर्न अस्थायी राहत शिविरहरू स्थापना गरि सञ्चालन गरिएको जनाइएको छ भने शुक्रबार पछि सहरी क्षेत्रहरूमा बाढीको पानी बिस्तारै घटेको तथा लगभग ३५ प्रतिशत सञ्चार सेवाहरू पुनःस्थापित भइसकेको उल्लेख गरिएको छ ।

प्रभावित मानिसहरूलाई खाद्यान्न आपूर्ति वितरण गर्न जारी  राखिएको र अधिकांशलाई  सहयोग तथा राहत प्रदान गरिसकिएको जनाइएको छ ।