बाजुरा– बाजुरा प्रतिनिधिसभा क्षेत्रको पछिल्लो मतगणना अनुसार नेपाली कांग्रेसका उम्मेदवार जनक गिरी अग्रस्थानमा रहेका छन्। उनले हालसम्म ५ हजार ९२१ मत प्राप्त गरेका छन्।
उनका निकटतम प्रतिस्पर्धी नेकपा एमालेका लालबहादुर थापाले ५ हजार ५०६ मत प्राप्त गर्दै दोस्रो स्थानमा छन्। राष्ट्रिय स्वतन्त्र पार्टीका हेमराज थापाले ३ हजार १६९ मत प्राप्त गरेका छन्।
यस्तै नेकपा (एकीकृत समाजवादी) का प्रकाश शाहले ७३६ मत पाएका छन्। अन्य उम्मेदवारमध्ये केशर शाहीले ११०, दीपक डिसीले ८३, भुपेन्द्र विकले ७८ र उपेन्द्र शाहीले ७ मत प्राप्त गरेका छन्।
मतगणना जारी रहेको निर्वाचन कार्यालयले जनाएको छ।
प्रतिक्रिया