काठमाडौं– राष्ट्रिय स्वतन्त्र पार्टी (रास्वपा) का सांसद रमेश प्रसाईंले खाना पकाउने ग्यासको अभावलाई लिएर सरकारको आलोचना गरेका छन् । 

शुक्रबार प्रतिनिधि सभाको बैठकमा बोल्दै उनले हिजो आफैँले गरेको भाषण सम्झेर आज लाज लागेको बताए। प्रसाईंले देशैभरी अभाव भएको ग्यास प्रधानमन्त्री र मन्त्री क्वाटरमा छ कि छैन भनेर सरकारमाथि कडा प्रश्न गरे ।

उनले थप्दै प्रश्न गरे,’ यदि कृत्रिम अभाव भएको हो भने, सरकारले भनेजस्तो ह्वारह्वार्ती ग्यास आएको कहो भने ती कालोबजारी गर्नेलाई कानूनको कठघरामा ल्याएर कारबाही गर्न दुईतिहाइको सरकारलाई केले रोकेको छ?

आफूले चुनावताका ‘सरकारी कार्यालयहरूमा त्यत्रो लाइन, रास्वपाको पालामा अन्ली अनलाइन’ भनेर गरेको भाषण सम्झिँदै उनले भने, ‘सभामुखज्यू म कहिलेकाहीँ कन्फ्युजन हुन्छु, कसलाई के भनौँ, मेरै गाला मेरै चड्कन !’

उनले चुनावताका गरेका भाषण सम्झिँदा र आज भात पकाउने ग्यासका लागि जनता दिनभर, रातभर, मध्यरातसम्म लाइन बसेका दृश्यले आफूलाई लाज लागेको टिप्पणी गरे । 

उनले भने, ‘जनताले नयाँ सरकार चाहियो भनेको चिल्ला नयाँ अनुसार चरित्र खोजेको हो जुन हाम्रो व्यवहारबाट पुष्टि हुनु पर्छ।’