काठमाडौं– पाकिस्तानको ८,०४७ मिटर अग्लो ब्रोड पिक हिमाल आरोहणका क्रममा ज्यान गुमाएका चर्चित नेपाली पर्वतारोही पुरबहादुर गुरुङ (युक्त) को अन्त्येष्टि गरिएको छ।
शुक्रबार काठमाडौंको स्वयम्भूमा परिवार, आफन्त, गृहमन्त्री सुधन गुरुङ, कांग्रेस सभापति गगन थापा लगायत पर्वतारोहण क्षेत्रका व्यक्तित्व तथा शुभेच्छुकहरूको उपस्थितिमा गुरुङको अन्तिम संस्कार गरिएको हो ।
ब्रोड पिक आरोहणका क्रममा भएको हिमपहिरोमा परेर गुरुङको निधन भएको थियो । उनको निधनले नेपाली पर्वतारोहण क्षेत्रमा अपूरणीय क्षति पुगेको भन्दै पर्वतारोही तथा सरोकारवालाले श्रद्धाञ्जली व्यक्त गरेका छन्।
तस्बिर: नेपाल फोटो लाइब्रेरी
प्रतिक्रिया