काठमाडौं– लमजुङमा मतगणना जारी रहँदा नेकपा (एमाले)का उम्मेदवार पृथ्वीसुब्बा गुरुङ अग्रस्थानमा देखिएका छन्।

हालसम्मको मत परिणामअनुसार उनले ३ हजार ६९१ मत प्राप्त गरेका छन्।

उनलाई राष्ट्रिय स्वतन्त्र पार्टीका धर्मराज केसीले ३ हजार ३९३ मतसहित पछ्याइरहेका छन् भने नेपाली कांग्रेसका गमप्रसाद गुरुङले ३ हजार २७४ मत प्राप्त गरेका छन्।

यसैगरी नेपाली कम्युनिष्ट पार्टीका हरिजंग तामाङले ५१९ मत पाएका छन् भने राष्ट्रिय प्रजातन्त्र पार्टीका केबिन्द्र जंग गुरुङले १०२ मत प्राप्त गरेका छन्।

लमजुङ जिल्लामा कुल १ लाख ६६ हजार २८७ जनसंख्या रहेको छ। जिल्लामा १ लाख ३३ हजार ५५९ मतदाता रहेका छन्, जसमा ६५ हजार २७१ पुरुष र ६८ हजार २८८ महिला छन्। यहाँ प्रतिनिधिसभाको १ र प्रदेशसभाको २ निर्वाचन क्षेत्र छन्।