पाल्पा क्षेत्र नम्बर १ मा जारी मतगणनाको पछिल्लो परिणाम अनुसार राष्ट्रिय स्वतन्त्र पार्टीका उम्मेदवार विमल पन्त अग्रस्थानमा रहेका छन् । हालसम्म कुल ६ हजार ११९ मत गणना भएको छ । 

सदर मतमध्ये राष्ट्रिय स्वतन्त्र पार्टीका विमल पन्तले २,५७२ मत प्राप्त गर्दै अग्रता कायम गरेका छन्। यस्तै नेपाली कांग्रेसका सन्दीप रानाले १,३२५ मत, नेकपा एमालेका नारायण आचार्यले १,२३५ मत, नेपाली कम्युनिस्ट पार्टीका उम्मेदवारले १९२ मत तथा नेश्नल रिपब्लिक नेपालका उम्मेदवारले ३३३ मत प्राप्त गरेका छन् ।

हालसम्मको मत परिणामअनुसार विमल पन्तले आफ्ना प्रतिस्पर्धीहरूमाथि उल्लेख्य अग्रता बनाएका छन् भने मतगणना कार्य जारी रहेको निर्वाचन अधिकृतको कार्यालयले जनाएको छ। २४६ मत भने बदर छन् ।