काठमाडौं– चर्चित पत्रकार ऋषि धमला फिल्म निर्माणपछि राजनीतिमा पनि फ्लप हुने देखिएको छ ।

रौतहट क्षेत्र नम्बर ४ मा मतगणना जारी रहँदा धमलाले नमिठो हार व्यहोर्ने देखिएको छ । ताजा अवस्थामा राष्ट्रिय स्वतन्त्र पार्टीले फराकिलो अग्रता बनाउँदा आमजनता पार्टीका ऋषिले दोहोरो अंक पनि कटाउन सकेका छैनन् ।

हालसम्म त्यहाँ रास्वपा उम्मेदवार गणेश पौडेलले ९ हजार ९ सय २९ मत पाइसकेका छन् । त्यहाँ दोस्रो स्थानमा नेपाली कांग्रेसका देवप्रसाद तिमल्सिना छन् । जसलाई १३ सय ९५ मत मिलेको छ । उता नेकपाको तारा चिह्नमा १२ सय ९५ मत आएको छ।

यस्तो अवस्थामा प्रभु साह नेतृत्वको आम जनता पार्टीको मोबाइल चिह्नबाट उठेका ऋषिले केबल १८ मत ल्याएका छन् । सामाजिक सञ्जालमा बहुतै चर्चा पाए पनि ऋषिलाई सबै उमेर समूहका मतदाताले नपत्याएको उनले अहिलेसम्म पाएको १८ मतले देखाएको छ ।