मोरङ- मोरङ क्षेत्र नम्बर २ को मतगणनास्थलमा राष्ट्रिय स्वतन्त्र पार्टीका एकजना प्रतिनिधिको निधन भएको छ।

रास्वपा मोरङका जिल्ला कमिटी सदस्य रंगेली–९ बस्ने ५० वर्षीय दुर्गा रेग्मीको हृदयघातबाट मतगणनास्थलमै निधन भएको हो ।

उनी रास्वपा उम्मेदवार कृष्ण कार्कीका प्रतिनिधि थिए । मतगणनास्थल नजिकै खाना खाने क्रममा उनी एक्कासि बेहोस भएर ढलेका थिए । उनलाई उपचारका लागि रंगेली अस्पताल लगिएको थियो । चिकित्सकले मृत घोषणा गरे ।

रास्वपाका एक नेताले मतगणनाको नतिजा आइरहँदा उत्साहित देखिएका रेग्मीलाई अचानक हृदयघात भएको बताए ।

प्रहरीका अनुसार रेग्मी बिहानैदेखि मतगणना स्थलमा उपस्थित थिए। मतगणना सुरु भएपछि उनी अचानक ढलेका थिए।

त्यहाँ उपस्थितहरूले तत्कालै प्राथमिक उपचार प्रयास गरे पनि घटनास्थलमै उनको मृत्यु भएको प्रहरीले जनाएको छ।

रेग्मीको शव पोस्टमार्टमका लागि विराटनगरस्थित कोशी अस्पताल पठाइएको छ। यस घटनापछि मतगणना स्थलमा केही समय वातावरण स्तब्ध बनेको थियो। प्रहरीले घटनाबारे थप अनुसन्धान भइरहेको जनाएको छ।