रौतहट– रौतहटको प्रतिनिधिसभा निर्वाचन क्षेत्र नम्बर १ मा राष्ट्रिय स्वतन्त्र पार्टीका उम्मेदवार राजेकुमार चौधरीले फराकिलो अग्रता बनाएका छन्।

हालसम्मको मतगणनाअनुसार चौधरीले ७०६ मत प्राप्त गरी अग्रता लिएका छन्। उनका निकटतम् प्रतिस्पर्धी जनता समाजवादी पार्टी, नेपालका योगेन्द्र राय यादवले ५६७ मत प्राप्त गरेका छन्।

अन्य प्रतिस्पर्धी उम्मेदवारहरूमा नेपाली कांग्रेसका अनिलकुमार झाले ३१२ मत पाएका छन् । उता नेकपा (एमाले) का अजयकुमाार गुप्ताले २८८ मत ल्याएका छन् ।

यहाँको आश्चर्यजनक परिणाम भनेको पूर्वप्रधानमन्त्री एवम् नेपाली कम्युनिष्ट पार्टीका सह-संयोजक माधवकुमार नेपाल २२६ मतसहित पाँचौँ स्थानमा छन्।

रौतहट १ नेपालले निरन्तर जित्दै आएको क्षेत्र हो । तर यो क्षेत्रमा नेपाललाई यस पटक मतदाताले पत्याउने अवस्था देखिएको छैन ।