काठमाडौं- सर्लाही क्षेत्र नम्बर ४ नेपाली कांग्रेसका सभापति गगनकुमार थापा प्रारम्भिक रुपमा पछि परेका छन् ।

सार्वजनिक परिणामअनुसार थापालाई राष्ट्रिय स्वतन्त्र पार्टीका उम्मेदवार डा. अमरेश सिंहले पछि पारेका हुन्।

यहाँ गगनले ताजा अवस्थामा ७४४ मत ल्याउन सफल भएका छन् । अमरेशकै गृहनगर बलाराको मत गनिरहँदा उनले ९७६ मत पाएका हुन् ।

त्यहाँ जनमतका उम्मेदवारले ५११ मत पाउँदा सूर्यका उम्मेदवारले केबल १९५ मत लिन सफल भएका छन् ।

गगन काठमाडौं ४ छाडेर यही निर्वाचनमा सर्लाही ४ झरेका हुन् । यता काठमाडौं ४ पनि रास्वपाले खोस्ने अवस्था आएको छ।

सखेद सच्याइएको** : यसै समाचारमा यसअघि मतगणनाको अंकगणित अन्यथा पर्न गएकोमा क्षमायाचनासहित सच्याएका छौँ। –सम्पादक