भक्तपुर- भक्तपुर निर्वाचन क्षेत्र नम्बर २ को पछिल्लो ताजा मतपरिणाम अनुसार चुनावी प्रतिस्पर्धा निकै रोमाञ्चक मोडमा पुगेको छ। बिहान ४:०० बजेसम्मको प्राप्त विवरण अनुसार राष्ट्रिय स्वतन्त्र पार्टीका उम्मेदवार राजीव खत्रीले आफ्नो अग्रतालाई थप फराकिलो बनाउँदै लगेका छन्।

सूर्यविनायक नगरपालिका वडा नम्बर ७ (गुण्डु) का दुवै मतदान केन्द्रको गणना सकिँदा खत्रीले १४०० मत प्राप्त गरेका छन्। उनलाई नेकपा (एमाले) का उम्मेदवार महेश बस्नेतले पछ्याइरहेका छन्। बस्नेतले हालसम्म १२०० मत प्राप्त गरेका छन्। सुरुवाती अग्रता लिएका बस्नेत र खत्रीबीच अहिले २०० मतको अन्तर देखिएको छ, जसले यस क्षेत्रको चुनावी समीकरणलाई थप रोचक बनाएको छ।

त्यस्तै, नेपाली कांग्रेसका उम्मेदवार कवीर रानाले हालसम्म १७१ मत प्राप्त गरेका छन् भने नेपाली कम्युनिष्ट पार्टीका उम्मेदवार रामप्रसाद सापकोटाको पक्षमा १७ मत परेको छ।