काठमाडौं– प्रतिनिधिसभा निर्वाचन अन्तर्गत भक्तपुर जिल्लाका दुवै निर्वाचन क्षेत्रमा शान्तिपूर्ण रुपमा मतदान भइरहेको छ ।

भक्तपुरका दुवै निर्वाचन क्षेत्रका बिभिन्न मतदान स्थलमा तोकिएको समय अनुसार बिहान ७ बजेदेखि नै मतदान जारी छ । भक्तपुर क्षेत्र नं १ मा ३७ मतदानस्थल र ११९ मतदान केन्द्र कायम  छन् भने ५२ हजार ६६ पुरुष र ५४ हजार ९८८ महिला मतदाता कायम छन् ।

त्यसैगरी, क्षेत्र नं २ मा ३९ मतदानस्थलमा ११४ वटा मतदान केन्द्र कायम गरिएको छ । यस क्षेत्रमा ४८ हजार ७४ जना पुरुष मतदाता र ५० हजार २७७ महिला मतदाता छन् । 

क्षेत्र नं १ मा विभिन्न राजनीतिक दलबाट १६  र स्वतन्त्रबाट नौ गरी २५ जना उम्मेदवार चुनावी मैदानमा छन् भने क्षेत्र नं २ मा विभिन्न राजनीतिक दलबाट १७, स्वतन्त्र १५ गरी कूल ३२ जना उम्मेदवार प्रतिस्पर्धामा छन् ।