काठमाडौं- राष्ट्रिय प्रजातन्त्र पार्टी (राप्रपा)का प्रवक्ता एवम् जुम्लाबाट प्रतिनिधि सभाकाा उम्मेदवार ज्ञानेन्द्र शाहीले एकजुट भएर अघि बढ्न जिल्लास्थित उम्मेदवारहरूलाई आग्रह गरेका छन् ।

फेसबुकमार्फत् भिडियो सन्देश जारी गर्दै उनले आफ्नो उम्मेदवारी कुनै दल र पार्टीविरुद्ध नभएको बताएका छन् । शाहीले अन्य दललाई सौहार्दरुपमा प्रतिस्पर्धा गर्न भनेका छन् ।

राष्ट्रिय प्रजातन्त्र पार्टी (राप्रपा)का प्रवक्ता एवं जुम्लाबाट प्रतिनिधि सभा उम्मेदवार ज्ञानेन्द्र शाहीले एकताबद्ध भएर अघि बढ्न जिल्लाका उम्मेदवारहरूलाई आह्वान गरेका छन् ।

सबैले आपसमा बाझेर भन्दा एकजुट भएर जुम्ली जनताको आशीर्वाद लिनुपर्ने उनले बताएका छन् ।

‘मेरो उम्मेदवारी कुनै पार्टी र व्यक्तिविरुद्ध होइन । मेरो उम्मेदवारी केन्द्रले सधैँ जुम्लाका जनप्रतिनिधिलाई गर्ने दासजस्तै व्यवहारविरुद्ध हो,’ उनले भनेका छन्, ‘एउटै टेबलमा र कपमा चिया खाएर जुम्ली जनताको आशीर्वाद ग्रहण गर्नु हाम्रो कर्तव्य हो । त्यसरी प्रजातान्त्रिक प्रक्रियालाई अभ्यास गर्ने चुनावी माहौलमा होमिनु पर्छ ।’

यसअघि शाहीले मतदातामा भ्रम फैल्याएर भोट मागिरहेको भन्दै जुम्लाकी रास्वपा उम्मेदवार विनिता कठायतले आपत्ति जनाएकी थिइन् ।

बुधबार पत्रकार सम्मेलन गर्दै कठायतले बालेन्द्र साह र रवि लामिछानेको लठ्ठी समातेर शाहीले चुनाव जित्न खोजेको आरोप लगाएकी थिइन् ।