काठमाडौं– गृह मन्त्रालयले निर्वाचन आचारसंहिता अनुगमन अधिकृतका रूपमा तोकिएका ७७ वटै जिल्लाका सहायक प्रमुख जिल्ला अधिकारीलाई आफ्नो जिम्मेवारी निष्पक्ष र निर्भीक रूपमा प्रभावकारी ढङ्गले निर्वाह गर्न परिपत्र जारी गरेको छ ।

मन्त्रालयले निर्वाचन अवधिमा हुनसक्ने आचारसंहिता उल्लङ्घनका घटना रोक्न आवश्यक कदम चाल्न र त्यससम्बन्धी विवरण नियमित रूपमा मन्त्रालयमा पेश गर्न निर्देशन दिएको मन्त्रालयका प्रवक्ता आनन्द काफ्लेले जानकारी दिए ।

निर्वाचन आयोगले निर्वाचन आचारसंहिता, २०८२ को जिल्लास्तरमा प्रभावकारी अनुगमन र कार्यान्वयन सुनिश्चित गर्न ७७ वटै जिल्लाका सहायक प्रमुख जिल्ला अधिकारीलाई आचारसंहिता अनुगमन अधिकृत तोकेको थियो ।

यस्तै, मन्त्रालयले आसन्न प्रतिनिधिसभा निर्वाचनलाई स्वच्छ, निष्पक्ष, पारदर्शी तथा विश्वसनीय रूपमा सम्पन्न गर्न सचिवको संयोजकत्वमा केन्द्रीय कमाण्ड पोस्ट समेत गठन गरेको जनाएको छ ।