चितवन – पहिरोका कारण अवरुद्ध बनेको नारायणगढ-मुग्लिन सडक खण्ड दुई घण्टापछि पूर्ण रूपमा सञ्चालनमा आएको छ ।
मुग्लिन-नारायणगढ सडक खण्डअन्तर्गत सिमलताल नजिकै मंगलबार बिहान पहिरो खस्दा दुवैतर्फको यातायात ठप्प बनेको थियो । पहिरो खसेलगत्तै खटिएको सडक डिभिजन कार्यालय भरतपुरको टोलीले मेसिन तथा उपकरणको प्रयोग गरी पन्छाएपछि बिहान ९ बजेदेखि सडक दुईतर्फी नै सञ्चालनमा आएको हो ।
सडक खुलेसँगै रोकिएका सवारी साधनहरू गन्तव्यतर्फ लाग्न थालेका छन् । सो क्षेत्रमा वर्षासँगै बेलाबेलामा पहिरो खस्ने समस्या रहेकाले सतर्कता अपनाएर यात्रा गर्न सडक डिभिजन कार्यालयले अनुरोध गरेको छ ।
प्रतिक्रिया