काठमाडौं– प्रधानमन्त्री तथा मन्त्रिपरिषद्को कार्यालय परिसरमा मन्त्रिपरिषद् बैठकका क्रममा सञ्चारकर्मीहरूलाई फोटो-भिडियो खिच्न निषेध गरिएको छ।

प्रधानमन्त्री वालेन्द्र शाहकै निर्देशनमा आइतबार मन्त्रिपरिषद् बैठक सुरू हुनुअघि सुरक्षाकर्मीहरूले सञ्चारकर्मीलाई भिडियो-फोटो खिच्न रोकेका हुन् ।

मन्त्रिपरिषद्को कार्यालय परिसरको दृश्य बाहिरैबाट खिचिरहेका पत्रकारहरूलाई प्रधानमन्त्री शाहको तात्तातै निर्देशनपछि सुरक्षाकर्मीहरूले खिच्न नदिएका हुन् ।

बैठकमा सहभागी हुन बालुवाटारबाट आइपुगेका प्रधानमन्त्री शाहले आफ्नो भिडियो खिचिरहेको देखेपछि सुरक्षाकर्मीतिर इशारा गर्दै असन्तुष्टि व्यक्त गरे।

वालेन्द्रको असन्तुष्टि प्रकट भएलगत्तै सुरक्षाकर्मीहरूले मन्त्रिपरिषद्को कार्यालयको प्राङ्गणमा उभिएर भिडियो खिचिरहेका सञ्चारकर्मीलाई हट्न भने । त्यससँगै उनीहरूलाई भिडियो नखिच्न पनि तिनै सुरक्षाकर्मीले निर्देशन दिएर।