काठमाडौं– सरकारले प्रतिनिधिसभा निर्वाचनका लागि हेलिकप्टर गस्ती गर्दा सेनाको हेलिकप्टरले अपुग हुने भएपछि अन्य कम्पनीको पनि हेलिकप्टर प्रयोग गर्ने निर्णय गरेको छ । 

गृह मन्त्रालयका प्रवक्ता रमा आचार्यका अनुसार नेपाली सेनाको हेलिकप्टरले मात्रै गस्ती गर्न नपुग्ने भएपछि अन्य कम्पनीसँग पनि सहकार्य गरेर हेलिकप्टर परिचालन गर्ने निर्णय भएको हो। 

आचार्यका अनुसार बिहान बसेको सुरक्षा समितिको बैठकले यस्तो निर्णय गरेको बताइएको छ । ‘अति संवेदनशील र संविधानशील मतदान केन्द्रमा मात्र होइन अन्य ठाउँमा पनि देशैभरि हेलिकप्टर मार्फत गस्ती गर्ने निर्णय भएको छ ।’ आचार्यले खबरहबलाई भनिन्,’ यसका लागि हामीले हेलिकप्टरको तयारी पूरा गरेका छौँ । कति सङ्ख्यामा परिचालन हुन्छ भन्ने अहिले डाटा छैन। आवश्यकता अनुसार परिचालन गर्नका लागि पर्याप्त छ ।’

उनका अनुसार भोलिको निर्वाचनका लागि गृह मन्त्रालय र सुरक्षा परिषद्ले तयारी पूरा गरेको जानकारी उपलब्ध भएको छ।