काठमाडौं – वरिष्ठ गायक तथा संगीतकार शम्भुजित बास्कोटाकी आमाको निधन भएको छ । उनकी आमा मिटूको आइतबार बिहान उपचारको क्रममा निधन भएको हो ।

१०६ वर्षकी मिटूको स्वास्थ्यमा समस्या देखिएपछि उपचारका लागि आइतबार बिहान चाबहिलको ओम अस्पातालमा लगिएको थियो । त्यही उनको निधन भएको गायक बास्कोटा निकट एक कलाकारले बताए ।

आमाको निधनपछि बास्कोटाले सामाजिक सञ्जालमा लेखेका छन्, ‘मेरो आमाले मलाई एक्ले छोडेर यो संसारबाट सधैँका लागि बिदा लिनुभयो ।’

यही पोस्टमा कलाकारहरु रामकृष्ण ढकाल, पुस्कर गुरुङ, दीपाश्री निरौला, दीपकराज गिरी, सत्यराज आचार्य, निर्देशक प्रदीप भट्टराई लगायतले श्रद्धाञ्जली दिएका छन् ।

मिटूको आजै अन्त्येष्टि गरिनेछ । उनका चार सन्तान छन् । उनका तीन छोरी र एक छोरा हुन् ।