काठमाडौं- २००७ सालको प्रजातन्त्रिक आन्दोलनका योद्धा रामप्रसाद राईलाई मंगलबार उनको गाउँ र भोजपुरमा विशेष कार्यक्रम गरेर स्मरण गरिएको छ ।

प्रजातान्त्रिक योद्धा जननायक राईको ११७ औँ जन्मजयन्तीका अवसरमा उनकै जन्मस्थल रामप्रसाद गाउँपालिकाको बासिखोरास्थित आफ्नै निवासमा विशेष कार्यक्रम गरिएको हो ।

उनको जन्मस्थलसँगै सदरमुकाम भोजपुर, विराटनगर र काठमाडौंमा पनि विभिन्न कार्यक्रम आयोजना गरेर जन्म जयन्ती मनाइएको छ ।

कार्यक्रमममा देशमा प्रजातन्त्र, स्वतन्त्रता र जनअधिकार स्थापनाका लागि संघर्षरत रहँदा रहँदै बेपत्ता पारिएका प्रजातान्त्रिक योद्धा राईको योगदान, साहस र राष्ट्रप्रेमको स्मरण गरिएको छ।

उता ललितपुरस्थित केन्द्रीय कार्यसमितिले पनि रामप्रसादको स्मरण गरेको छ । रामप्रसाद राई स्मृति प्रतिष्ठान केन्द्रीय समितिले कीर्तिपुरको चोभारस्थित असहाय बालगृहका लागि खाद्यान्न र कपी कलमसहितका सामग्री विवतरण गरेको छ।