काठमाडौं – राष्ट्रिय स्वतन्त्र पार्टी (रास्वपा) सभापति रवि लामिछानेको आधिकारिक फेसबुक पेज ह्याकको प्रयास भएको छ । उनको सचिवालयले ह्याक गर्ने प्रयास भएपछि सुरक्षा संवेदनशीलतालाई ध्यानमा राख्दै फेसबुकले उक्त पेजलाई लक गरिदिएको छ ।

रवि लामिछानेको सचिवालयले मंगलबार एक सूचना जारी गर्दै सभापति लामिछानेको पेजमा आज बिहानैदेखि पटक–पटक अनधिकृत पहुँच बनाउने प्रयास भइरहेको जानकारी गराएको हो।

पेज पूर्ण रूपमा सुरक्षित नभएसम्म नियन्त्रणमा फिर्ता नआएसम्म यसबाट कुनै पनि नयाँ सामग्री पोस्ट नहुने जनाएको छ ।

फेसबुकको सुरक्षा प्रक्रिया पूरा गरेर पेजलाई पुनः सञ्चालनमा ल्याउने प्रयास सूचनामा उल्लेख छ ।

रविको सचिवालयले सर्वसाधारण तथा शुभचिन्तकलाई उक्त पेजबाट कुनै पनि शंकास्पद पोस्ट, सन्देश वा लिङ्क सार्वजनिक भएमा त्यसलाई आधिकारिक नठान्न अनुरोध गरेको छ ।