काठमाडौं– भोटेकोशी नदीमा आएको विनाशकारी बाढीका कारण १२सय बढीको मृत्यु भएको छ ।

बिहीबार बिहानसम्म १२ सय भन्दा बढी को शव फेला परेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ । त्यसैगरि बाढीका कारण चार हजार भन्दा बढी सम्पर्कविहीन छन् भने करिब १२ हजार जनाको उद्धार गरिएको छ ।

बाढीपछि राहत तथा उद्धार कार्यसँगै सम्पर्कविहीनको खोजीलाई प्राथमिकताका साथ अघि बढाइएको प्राधिकरणले जानकारी दिएको छ ।

सुरक्षाकर्मीले नदी किनार, बाढी प्रभावित बस्ती, सडक तथा पहिरो प्रभावित क्षेत्रमा खोजी गरिरहेका छन् । बाढीका कारण ठूलो मानवीय क्षति हुनाका साथै हजारौँ नागरिक अझै सम्पर्कविहीन रहेकाले खोज तथा उद्धार कार्यलाई प्रभावकारी बनाइएको प्राधिकरणले जनाएको छ । 

बाढीका कारण मृत्यु भएकाहरूमध्ये केहीको शव पहिचान गरी आफन्तजनलाई बुझाइएको छ भने विभिन्न स्थानमा फेला परि पहिचान हुन नसकेका शवहरूलाई जमिनमा सुरक्षित रुपमा गाडिएको छ । 

(सच्याइएको : यसअघि यसै समाचारमा मृतकको संख्या अन्यथा हुन गएकाले सच्याएका छौँ – सम्पादक)