काठमाडौं– म्याग्दीबाट स्वतन्त्र उम्मेदवारी दिएका महावीर पुनले संसद्लाई स्कुलको संज्ञा दिएका छन् ।

कीर्तिपुरस्थित राष्ट्रिय आविष्कार केन्द्रबाट कोट, पाइन्ट र भादगाउँले टोपीमा सजिएर उनी स्कुल पढ्न जाने भन्दै संसद्तिर लागेका हुन् ।

‘लौँ, आजदेखि म पनि सिंहदरबारको स्कुलमा जाने हो । स्कुलमा पढ्न पाएकोमा क्या राम्रो लागेको छ’, उनले एक भिडियोमा भनेका छन्, ‘लौ दाजुभाइ दिदीबहिनीहरू स्कुल जाने हो, संसद्को स्कुल गएर पढ्ने हो । झोलामा कपी कलम पनि हाल्ने हो ।’

उनले ढिलै भए पनि संसद्को स्कुल जान पाएकोमा खुसी व्यक्त गरेका छन् । ‘ढिलै भए पनि स्कुल जान पाएँ । स्कुल जान पाएकोमा म त एकदम खुसी छु । म त एकदम विद्यार्थी संसद्को’, उनी नाच्दै अगाडि भन्छन्, ‘पाँच वर्षका लागि संसद्को स्कुल पढ्ने हो ।’