काठमाडौं– पाकिस्तान प्रशासित कश्मीर क्षेत्रमा ‘संयुक्त अवामी एक्शन कमिटी’को आन्दोलन दबाउने क्रममा सुरक्षाकर्मीको गोली लागेर एक बेलायती नागरिकको मृत्यु भएको खुलासा भएको छ। बेलायतको पिटरबरो शहरका ५० वर्षीय मोहम्मद अख्तरको गत जुन ९ का दिन कोतली क्षेत्रमा सुरक्षाकर्मीको गोली लागेर ज्यान गएको हो। यो घटनाले बेलायत र पाकिस्तानबीच कूटनीतिक हलचल पैदा गरेको छ भने कश्मीरमा भइरहेको दमनकारी कारबाहीलाई अन्तर्राष्ट्रिय स्तरमा थप चर्चामा ल्याएको छ। 

परिवारका अनुसार मोहम्मद अख्तर आन्दोलनमा प्रत्यक्ष रूपमा सहभागी भएका थिएनन्। जिस दिन सुरक्षाकर्मी र प्रदर्शनकारीबीच हिंसात्मक झडप भएको थियो, त्यस दिन उनी आफ्नो घर नजिकै रहेका बेला सुरक्षाकर्मीले चलाएको गोलीको छर्रा (स्ट्रे बुलेट) लागेर गम्भीर घाइते भएका थिए। छातीको फेदमा गोली लागेका उनको उपचारको क्रममा निधन भयो। स्थानीय स्तरमा उजुरी दिन नसकिने र सरकार पक्षबाट थप खतरा हुन सक्ने भयका कारण परिवारले सुरुमा यस घटनालाई बाहिर ल्याउन संकोच मान 

यसैबीच, यसै क्षेत्रमा अर्का एक बेलायती नागरिक पनि पाकिस्तानी सुरक्षाकर्मीको नियमामा परेका छन्। नटिङ्घम शहरका ३८ वर्षीय वकास आरिफ विगत दुई महिनाभन्दा बढी समयदेखि मिरपुरस्थित कारागारमा बिनाकुनै औपचारिक आरोप थुनामा रहेका छन्। उनका परिवारले वकास पनि कुनै किसिमको प्रदर्शनमा संलग्न नरहेको र सुरक्षाकर्मीहरूले घरमै छापा मारेर उनलाई पक्राउ गरेको दाबी गरेका छन्।

 बेलायती विदेश मन्त्रालयले यस घटनाप्रति गम्भीर चासो व्यक्त गर्दै पाकिस्तानी अधिकारीहरूसँग निरन्तर संवाद गरिरहेको जनाएको छ। बेलायती सांसदहरूले समेत यस क्षेत्रमा भइरहेको मानव अधिकार उल्लङ्घन र नागरिक हत्याको निष्पक्ष छानबिन गर्न माग गर्दै आएका छन्।