काठमाडौं – रसुवा बाढीबारे ‘स्थानीयलाई सरकारले ढिलो सूचना प्रवाह गरेकाले क्षति बढी भयो’ भन्ने प्रतिपक्षको आरोप र ‘किन ढिलो सूचना प्रवाह गरियो ?’ भन्ने दुवै प्रश्नको जवाफ दिँदै प्रधानमन्त्री वालेन्द्र शाहले संसद्‍मा बोलेका छन् ।

गत बुधबारको बाढीबारे सातापछि संसद्‍मा जानकारी दिने क्रममा प्रधानमन्त्री शाहले ‘ढिलो सूचना प्रवाह’लाई अस्वीकार र इन्कार गरे ।

पूर्वअनुमान र मानव सभ्यताले भोगेको ठूलो विनाशका बाबजुद पनि सरकारको पक्षबाट सूचित गराउने काम भएको उनको दाबी छ । स्थानीयलाई बाढीको सूचना दिनमा फिल्डमा खटेकै अवस्थामा केही सुरक्षाकर्मी बगेको उनको भनाइ छ ।

उनल भने, ‘मानव सम्भताले भोगेको यो ठूलो घटना हो । यो पूर्वानुमान बाहिरको कुरा हो । बाढी आएको सूचनापश्चात हाम्रा सुरक्षाकर्मी स्थानीयलाई सतर्क बनाउन खटिनुभएको थियो । त्यसबेला उहाँहरू पनि बेपत्ता हुनुभयो ।’

तटीय क्षेत्रका स्थानीयलाई सूचित गर्न सरकारले ११ लाख वटा मेसेज र फोन कल गरेकोसमेत उनले जनाए । उनले भने, ‘आधा घण्टाअगाडि नै सूचना पठाइएको थियो ।’