काठमाडौं – प्रधानमन्त्री वालेन्द्र शाहले बाढी प्रभावित क्षेत्रको उद्धार तथा राहतका लागि अन्तर्राष्ट्रिय सहयोग आउने क्रम जारी रहेको बताएका छन्।

प्रतिनिधिसभा बैठकमा बोल्दै प्रधानमन्त्री शाहले हालसम्म विभिन्न देश तथा अन्तर्राष्ट्रिय निकायबाट सहयोग प्राप्त भएको र थप सहयोगका लागि विभिन्न मुलुकले निरन्तर सम्पर्क गरिरहेको जानकारी दिए।

भदौ १० गते बुधबार भोटेकोशी र त्रिशूली नदीमा आएको विनाशकारी बाढीका कारण रसुवाको टिमुरे, स्याफ्रुबेंसी र बेत्रावती तथा नुवाकोटको त्रिशूली बजार र देवीघाटलगायत क्षेत्र प्रभावित भएका छन्।

बाढीले धादिङ, चितवन र गोरखाका त्रिशूली नदी तटीय क्षेत्रसमेत प्रभावित पारेको छ।

प्रभावित क्षेत्रमा उद्धार, राहत तथा पुनःस्थापनाको काम अझै पूर्णरूपमा सम्पन्न हुन सकेको छैन। सुरुङमार्गमा फसेका केही व्यक्तिको समेत उद्धार हुन बाँकी रहेको प्रधानमन्त्री शाहले जानकारी दिएका छन्।