काठमाडौँ – प्रमुख प्रतिपक्षी दल नेपाली कांग्रेसको अगुवाइमा सोमबार संसद्मा प्रतिनिधित्व गर्ने प्रतिपक्षी दलको सर्वदलीय बैठक बस्दै छ ।
नेपाली कांग्रेस संसदीय दलका सचेतक निश्कल राईका अनुसार सिंहदरबारस्थित कांग्रेस संसदीय दलको कार्यालयमा मध्याह्न १२ बजे बैठक बोलाइएको हो ।
संसद्को विकसित राजनीतिक घटनाक्रम, प्रतिपक्षी दलको साझा रणनीति र आगामी संसद् बैठकमा खेल्नुपर्ने भूमिकाबारे साझा धारणा बनाउन प्रतिपक्षी दल एकै ठाउँमा बस्न लागेका हुन् ।
बैठकमा प्रमुख प्रतिपक्षी कांग्रेससहित संसद्मा प्रतिपक्षको भूमिकामा रहेका अन्य दलका शीर्ष नेता एवं संसदीय दलका पदाधिकारीहरूको सहभागिता रहने बताइएको छ ।
प्रतिक्रिया