काठमाडौं– भाद्र २३ र २४ को घटनासम्बन्धी जाँचबुझ आयोगले पूर्व गृहमन्त्री रमेश लेखकमाथिको प्रतिबन्ध फुकुवा गरेको छ ।

आयोगको सचिवालयले गृह मन्त्रालयलाई पत्राचार गर्दै अनुसन्धानका लागि लिइएको पूर्व निर्णयअनुसारको कार्य सम्पन्न भइसकेकाले लेखकको विदेश भ्रमणमा लगाइएको रोक्का फुकुवा गरेको जानकारी दिएको हो।

यअअघि लेखकलाई विदेश भ्रमण तथा काठमाडौं उपत्यका नछाड्ने गरी प्रतिबन्ध लगाइएको लगाइएको थियो।

यसअघि आयोगको बैठकले अनुसन्धानको दायरामा रहेकाले पूर्व गृहमन्त्री लेखकको विदेश भ्रमण रोक्ने र काठमाडौं उपत्यका बाहिर जान नदिने निर्णय गरेको थियो।

आयोगले उक्त निर्णय फुकुवासम्बन्धी जानकारी प्रधानमन्त्री तथा मन्त्रिपरिषद्को कार्यालय, संघीय मामिला तथा सामान्य प्रशासन मन्त्रालय, परराष्ट्र मन्त्रालय, नेपाल प्रहरी प्रधान कार्यालय र स्वयं रमेश लेखकलाई बोधार्थ पठाएको छ।