काठमाडौं– झापा क्षेत्र नम्बर ४ का प्रदेश सांसद राधाकृष्ण खनाल नेकपा एमालेको महाधिवेशनका लागि प्रतिनिधि छनोट निर्वाचनमा पराजित भएका छन्।
उक्त क्षेत्रमा संघीय सांसद एलपी सावा शिवशताक्षी नगरपालिकाका मेयर मेघाङ थोप्रा, रवीन्द्र लम्साल र हिमबहादुर कार्की निर्वाचित भएका छन्।
यस्तै सुनसरी १ बाट पनि प्रदेशसभामा निर्वाचित रमेशकुमार बस्नेत र विजयकुमार राई महाधिवेशन प्रतिनिधि छनोटमा पराजित भएका छन्।
कोशी प्रदेशको झापा क्षेत्रमा २ सुनसरी क्षेत्र नम्बर १ र मोरङ क्षेत्र नम्बर ३ को मतपरिणाम भने अहिलेसम्म आएको छैन ।
नेताहरूका अनुसार यो क्षेत्रमा विवाद भएका कारण मत परिणाम आउन नसकेको हो ।
झापा क्षेत्र नम्बर २ मा प्रदेश सरकारका खानेपानी मन्त्री एकराज कार्की महाधिवेशन प्रतिनिधिका लागि उठेका छन्।
सोही क्षेत्रमा प्रदेश सांसद तिलाचन पाठक र कमला थापा मगर पनि उम्मेदवार रहेका छन्।
यस्तै सुनसरी ३ मा आन्तरिक मामिला तथा कानुन मन्त्री रेवतीमणि भण्डारी र प्रदेशसभा सदस्य निरादेवी खनाल उम्मेदवार रहेका छन्।
मोरङ क्षेत्र नम्बर ३ मा प्रदेशसभा सदस्य ज्ञानेन्द्र सुवेदी पनि महाधिवेशन प्रतिनिधिको उमारदार रहेका छन् ।
प्रतिक्रिया