काठमाडौं– प्रतिपक्ष दलले संसद् बैठक चल्न नदिएकाले सरकारले १५ चैतमा भएको घटनाबारे जानकारी दिन नसकेको आरोप सत्तापक्षले लगाएको छ ।

आज पनि प्रतिपक्षले संसद् अवरोध गरे पछि गृहमन्त्री रमेश लेखकले १५ चैतमा भएको राजावादीहरूको हिंसात्मक प्रदर्शनबारे संसद्लाई जानकारी दिन नसकिएको बताएका हुन् ।

`संसद् चल्न दिइएन, नत्र गृह मन्त्रीज्यूले आज १५ गते भएको हिंसात्मक प्रदर्शनको जानकारी दिनु हुन्थ्यो एमाले सांसद रघुजी पन्तले भने । उनका अनुसार प्रतिपक्षले आज पनि संसद् अवरुद्ध गरे पछि गृहमन्त्री लेखक बानेश्वरस्थित संसद् भवन आउन नसकेको बताए ।

बिद्युत् प्राधिकरणका तत्कालीन कार्यकारी निर्देशक कुलमान घिसिङलाई पदच्युत गर्ने सरकारको निर्णय प्रति असहमति जनाउँदै गत बुधवार देखी प्रतिपक्ष दलले प्रधानमन्त्री केपी शर्मा ओलीको जवाफ मागेर निरन्तर संसद् अवरोध गरिरहेका छन्। तर, प्रधानमन्त्री ओलीले भोलि संसद्मा सम्बोधन गर्दैछन्।