काठमाडौं – नेकपा (एमाले) महासचिव शंकर पोखरेलले सिंहदरबार जलेको तस्बिर राख्दै यो विध्वंसका योजनाकारलाई बिर्सन नसक्ने बताएका छन् । सामाजिक सञ्जालमा सक्रिय महासचिव पोखरेलले सोमबार बिहान सिंहदबार जलेको फोटो राख्दै यस्तो बताएका हुन् ।

उनले एकै दिनमा जनताको आन्दोलनका नाममा भएको त्यो घटनालाई विध्वंसात्मक भनेका छन् । उनले यो षड्यन्त्रको आरोप जेनजीका नाममा नेपाली नवयुवामाथि लागेको भन्दै त्यसलााई स्वीकार गर्न नसकिने बताए ।

‘एक दिनमा यत्रो क्षति !! जनताको आन्दोलन यस्तो हुन सक्दैन। कुनै पनि हालतमा, कुनै पनि बहानामा, यस्तो विध्वंसात्मक हुनै सक्तैन। त्यसमाथि यत्रो षडयन्त्रको आरोप जेन्जीका नाममा नेपाली नव युवाहरुमाथि ? अहं यस्तो हुनै सक्दैन !!’, पोखरेलले फेसबुकमा लेखेका छन्, ‘हामी बिर्सने छैनौं । हो, हामी बिर्सने छैनौं यस विध्वंसका योजनाकार र मतियारहरुलाई !! ’