काठमाडौं – जेनजी अगुवा सुधन गुरुङले रवि लामिछाने र बालेन्द्र साह एक भएर कुलमान घिसिङ अलग हुनु दुःखद् भएको बताएका छन् ।

मध्यरातमा यो अवसर नभएर गम्भीर परिस्थिति भन्दै उनले प्रमुख शक्ति एकजुट हुने अपेक्षा गर्दै यस्तो बताएका हुन् । उनले कसैलाई पनि कुनै पक्ष लिन बाध्य पार्नु नहुने भन्दै निर्णायक घडीमा कुलमान अलग देखिनु दुःखद् भएको बताएका हुन् । उनले कुलमानलाई अलग राखिएको कि रहन खोजेको भन्दै प्रश्नसमेत गरेका छन् । उनले आजको आवश्यकता सबै एकठाउँ उभिनुपर्छ भन्ने रहेको प्रष्ट बताएका छन् ।

‘यो अवसर होइन, एउटा गम्भीर परिस्थिति हो। यस्तो समयमा हामीले सबै प्रमुख शक्तिहरू एकजुट भएर उभिने अपेक्षा गरेका थियौँ । कसैलाई पनि कुनै पक्ष लिन बाध्य पारिने होइन’, उनले मध्यरातमा फेसबुकमा लेखेका छन्, ‘तर यति निर्णायक घडीमा पनि कुलमान घिसिङ अलग भएको देखिनु परिवर्तन चाहने हामी आम जनताको लागि दुःखद छ । अलग राखिएको हो की अलग रहन खोजेका हुन् समयले बताउला ! तर आजको समयले तपाईंहरुलाई सँगै उभिने म्याण्डेट दिएको छ।’

देशलाई एकता आवश्यक भएको भन्दै बालेन, रवि र कुलमानलाई सुधनको एउटै प्रश्न गरेका छन् । उनले एकताका नाममा कुलमानलाई अलग राखेर भ्रम छरेको भए जेनजीले हेरिरहेको भन्दै चेतावनीसमेत दिएका छन् । गर्दै भनेका छन्, ‘के तपाईंहरू साँच्चिकै बाँकी रहेका स्तम्भहरूलाई एकताबद्ध गर्न चाहनु भएको हो कि केवल त्यसको भ्रम मात्रै छरिरहनु भएको हो ? जेनजीले हेरिरहेको छ ।’