काठमाडौँ– प्रधानमन्त्री सुशीला कार्कीको आह्वानमा बसेको सरकार, राजनीतकि दल र जेनजीको पहिलो संयुक्त बैठक सकिएको छ। प्रधानमन्त्री निवास बालुटारमा बसेको बैठक साढे ४ घण्टामा सकिएको प्रधानमन्त्रीका संचार संयोजक राम रावलले जानकारी दिए।

आजको बैठा आगामी फागुन २१ गतेका लागि तय भएको प्रतिनिधि सभाको निर्वाचन केन्द्रित भएको उनको भनाइ छ।
बैठकमा प्रधानमन्त्री सुशीला कार्कीले मुलुक आफूहरूले नै बनाउनुपर्ने बताइन्। उनले बैठकको सुरुवातमै भनेकी थिइन्, हाम्रो हो, हामीले नै बनाउने हो, हामीले नबनाए कसैले बनाइदिँदैन। एकपटकको कुराकानीले हुँदैन, बारम्बार हुनुपर्छ। हामीले सुरुवात गरेका छौँ। आआफ्ना विचार राख्न म खुला गर्छु।’

बैठकमा जेनजीहरुले सुशासन, भ्रष्टचारीहरुलाई कारबाही लगायतका मागहरू सरकारले सम्बोधन गर्नुपर्न बताए। उनीहरुले कारबाही र सुशासनलाई सँगसँगै लैजान पनि सरकारसँग माग गरे। चुनाव हुनै पर्ने तर चुनाव भएर मात्रै पनि नहुने उनको भनाइ छ।

‘चुनाव चाहिएको छ, गर्नुपर्छ तर चुनाव चुनाव भनेर मात्र हुँदैन,’ उनीहरुले भने, ‘हाम्रो आन्दोलनको मुख्य माग सुशासन हो। भ्रष्टाचारविरुद्धको कारबाही हो। यी दुवै एजेन्डामा सरकार सँगसँगै अगाडि बढ्नुपर्छ।’