काठमाडौं- निर्वाचन आयोगले आगामी माघ ११ गते हुने राष्ट्रिय सभा सदस्य निर्वाचन, २०८२ का लागि उम्मेदवारले गर्न पाउने निर्वाचन खर्चको अधिकतम सीमा तोकेको छ ।

आयोगले आइतबार जनाए अनुसार, एक उम्मेदवारले कुल ३ लाख ५० हजार रुपैयाँ सम्म मात्र खर्च गर्न पाउनेछन् ।

यो सीमा निर्वाचन आयोग ऐन, २०७३ को दफा २४ को उपदफा (१), राष्ट्रिय सभा सदस्य निर्वाचन ऐन, २०७४ को दफा ६५ तथा राष्ट्रिय सभा सदस्य निर्वाचन नियमावली, २०७६ को नियम ४६ को उपदफा (१) बमोजिम कायम गरिएको हो ।

खर्च विभिन्न शीर्षकमा विभाजन गरिएको छ । उम्मेदवारले खर्च गर्दा यी शीर्षकहरूमा मात्र सीमाभित्र रहनुपर्ने आयोगले जनाएको छ।

आयोगले उम्मेदवारलाई खर्च गर्दा बैंक खाता प्रयोग गर्न, खर्चको जिम्मेवार पदाधिकारीको नाम उल्लेख गर्न र निर्वाचन सम्पन्न भएपछि ३० दिनभित्र खर्चको विवरण पेश गर्न निर्देशन दिएको छ ।

खर्च विवरण निर्वाचन आयोग वा सम्बन्धित प्रदेश निर्वाचन कार्यालयमा पेश गर्नुपर्नेछ । यो सीमा उल्लङ्घन गरेमा निर्वाचन आयोग ऐनअनुसार कारबाही हुन सक्ने चेतावनी पनि दिइएको छ ।