काठमाडौं– नेपाली कांग्रेसकी नेतृ डा. डिला संग्रौलाले श्वेतपत्र जारी गरेर किसानले उत्पादनको उचित मूल्य पाउने वातावरण बनाउन सरकारसँग आग्रह गरेकी छन् । 

उनले बिहीबार विज्ञप्ति जारी गरेर स्वेतपत्रमार्फत् देशलाई खाद्यान्नमा आत्मनिर्भर बनाउने कार्य योजना ल्याउन पनि आग्रह गरेकी छन् । 

‘सरकारले किसानका समस्याहरूका बारेमा एक श्वेतपत्र प्रकाशित गरी किसानहरूले उत्पादनको उचित मूल्य पाउने वातावरण बनाउन र देशलाई खाद्यान्नमा आत्मनिर्भर बनाउने कार्य योजना ल्याउन म आग्रह गर्दछु,’ संग्रौलाले लेखेकी छन् ।  

कृषिप्रधान मुलुक नेपालमा राज्यले किसानहरूलाई सक्दो सहुलियत दिनुपर्ने उनको भनाइ छ । किसानको उत्पादनले उचित मूल्य पाउने र बिचौलियाले फाइदा उठाउन नपाउने सुनिश्चितता गर्नुपर्ने नेतृ संग्रौलाको जोड छ ।