झापा– झापाको मेचीनगर–१५ ज्यामिरगढीस्थित निन्दा नदीमा झोलुङ्गे पुल निर्माण भएको छ ।
सहरी विकास मन्त्रालयले चार करोड ३८ लाख रुपैयाँको लागतमा निर्माण गरेको उक्त पुल ३५० मिटर लामो र पाँच फिट चौडाइको छ ।
पुलले विचार्नी बजारलाई हेल्दुबारीसँग जोडेको छ । उक्त स्थानमा पुल नहुँदा वर्षौदेखि ज्यामिरगढीका बासिन्दा विचानी–हेल्दुबारी ओहोरदोहोर गर्न बर्खा याममा पाँच किलोमिटरभन्दा टाढा घुम्नुपर्ने बाध्यता थियो ।
पुल निर्माणका लागि मेचीनगर नगरपालिका र थानी कन्स्ट्रक्सन प्रालि काठमाडौंबीच २०७९ असार २२ गते ठेक्का सम्झौता भएको थियो ।
प्रतिक्रिया