काठमाडौं– पूर्वराष्ट्रपति विद्यादेवी भण्डारीले प्रधानमन्त्री केपी शर्मा ओली ‘समृद्ध नेपाल, सुखी नेपाली’ अभियानलाई सुदृढ पार्न दत्तचित्त भएर लागेका भन्दै प्रशंसा गरेकी छन् । 

जननेता मदन भण्डारीको ७४ औँ जन्मजयन्तीको अवसरमा शनिबार राष्ट्रिय सभा गृहमा आयोजित कार्यक्रममा उनले प्रधानमन्त्री ओलीले सुरुवात गरेको अभियान सफलताको कामना पनि गरिन् । 

‘नेकपा एमालेका अध्यक्ष, सम्मानीनय प्रधानमन्त्री केपी शर्मा ओली नेपाली जनताको साझा संकल्पको रुपमा रहेको ‘समृद्ध नेपाल, सुखी नेपाली’ बनाउने अभियानलाई सुदृढ पार्न दत्तचित्त भएर लागिरहनुभएको छ,’ पूर्वराष्ट्रपति भट्टराईले भनिन्, ‘यसमा खुशी व्यक्त गर्दै अभियानको सफलताको निम्ति म शुभकामना दिन चाहन्छु ।’