काठमाडौं– सभामुख देवराज घिमिरे र दलका प्रमुख सचेतकहरूबीच छलफल भएको छ ।

संघीय संसद भवन नयाँबानेश्वरस्थित सभामुखको कार्यकक्षमा भएको बैठकमा प्रतिनिधिसभामा देखिएको गतिरोध अन्त्य गर्ने विषयमा सभामुख घिमिरेले सत्तापक्ष र प्रतिपक्ष दलका प्रमुख सचेतकहरूसँग छलफल गरेका हुन् ।

शनिबारको संसद् बैठक अघि सभामुखले सत्ता साझेदार नेपाली कांग्रेस, नेकपा एमाले, प्रमुख प्रतिपक्षी नेकपा माओवादी केन्द्र र प्रतिपक्षी राष्ट्रिय स्वतन्त्र पार्टी (रास्वपा) का प्रमुख सचेतकहरूसँग छलफल गरेका हुन् ।

छलफलमा कांग्रेस सचेतक सुशीला थिङ, एमालेका महेश बर्तौला, माओवादी केन्द्रका हितराज पाण्डे, रास्वपाका सन्तोष परियार सहभागी थिए । यस्तै, उपसभामुख इन्दिरा रानाको पनि उपस्थिति थियो ।

बैठकमा रास्वपाले भिजिट भिसा प्रकरणमा उच्चस्तरीय छानबिन समिति गठन नभएसम्म अवरोध जारी राख्ने अडान लिएको छ ।

शनिबारको बैठकमा प्रधानमन्त्री केपी शर्मा ओलीले बोल्ने सम्भावित कार्यसूची छ ।