काठमाडौं – अमेरिकी राष्ट्रपति डोनाल्ड ट्रम्पले युक्रेनी राष्ट्रपति भोलोदोमिर जेलेन्स्कीसँग ट्रिलियन डलर डिल’को सम्भावना व्यक्त गरेका छन्।

जेलेन्स्की शुक्रबार अमेरिका जाने कार्यक्रम छ। सोही भ्रमणको क्रममा हुने सम्झौतामा यो डिलको सम्भावना रहेको जनाइएको छ। सो सम्झौता अनुसार अमेरिकाले युक्रेनको युक्रेनी भूभागका रहेको दुर्लभ खनिजको श्रोतमा आफ्नो पहुँच भने राख्न सक्ने छ।

वर्तमान तथा पूर्व युक्रेनी अधिकारी युक्रेनबाट उत्खनन् गर्न सकिने खनिजको मात्राका बारे भने प्रस्ट छैनन्। पुरानो सोभियत कालको नक्सालाई अहिलेसम्म आधार मानिएको छ।

यो उपाय भने जेलेन्स्कीकै हो। गत सेप्टेम्बरमा उनी अमेरिका भ्रमणमा गएको समयमा ‘भिक्ट्री प्लान’को रूपमा अमेरिकी राष्ट्रपति जो बाइडेनसँग सो प्रस्ताव राखेका थिए। ट्रम्प र बाइडेन प्रशासन दुवै यो योजनामा सहमत भएका हुन्।