काठमाडौं – लोकप्रिय गायिका सुनिता दुलालले लामो समयदेखिको प्रेम सम्बन्धलाई औपचारिक रूप दिँदै प्रेमी राजेश केसीसँग बिहीबार इन्गेजमेन्ट गरेकी छन्। दुलालले तस्बिरहरू सामाजिक सञ्जालमार्फत सार्वजनिक गर्दै जीवनको नयाँ यात्रातर्फ प्रवेश गरेको जानकारी गराएकी हुन्।

इन्गेजमेन्टका तस्बिरसँगै दुलालले लेखेकी छन्, ‘जीवनको नयाँ अध्याय सुरु हुँदैछ। हातमा हात लिएर, विश्वास र सम्मानका साथ अघि बढ्ने हाम्रो प्रतिज्ञा। यो यात्रा प्रेमले भरियोस्, तपाईंहरूको आशिषले अझ सुन्दर बनोस्।’

मूल घर रुकुम पश्चिम भए पनि हाल काठमाडौंमा बस्दै आएका राजेश निर्माण व्यवसायमा सक्रिय रहेका छन् । पेशाले उनी इन्जिनियर हुन् । राजेश र सुनिताबीच चारबर्ष देखि प्रेमसम्बन्ध रहेको थियो ।