काठमाडौं–  ‘शिक्षा ऐन जारी गर’  भन्दै शिक्षकहरूले आन्दोलन गरेको २६ दिन भइसकेको छ । दैनिक शिक्षकहरू सडकमा उत्रिरहेका छन् । आज उपत्यकामा पानी पर्दा शिक्षकहरूलाई समस्या परेको छ । आन्दोलनमा उत्रिएका शिक्षकहरू सडकमै भिजेका छन् । 

शिक्षकहरूको आन्दोलनमा आइतबार झडप भयो । शान्तिपूर्ण प्रदर्शन गर्दै आइरहेका शिक्षकहरूले आज निषेधित क्षेत्र तोड्ने प्रयास गरेपछि प्रहरीसँग झडप भएको हो ।

झडपमा केही शिक्षक घाइते भएका छन् । उनीहरूलाई सिभिल अस्पताल लगिएको छ ।

शिक्षकहरूले निषेधित क्षेत्र तोड्न खोजेपछि प्रहरीले पनि बल प्रयोग गरेको थियो । बल प्रयोगपछि शिक्षकहरूले ढुंगामुढा गर्न थालेका थिए । प्रहरीले आन्दोलनकारीमाथि पानीको फोहरासमेत प्रयोग गरेको छ। शैक्षिक सुधारको माग राख्दै देशभरका सरकारी शिक्षक काठमाडौंमा आन्दोलनरत छन्।

तस्बिरहरू :