काठमाडौं – नेकपा माओवादी केन्द्रका अध्यक्ष पूष्पकमल दाहाल प्रचण्डले जनतामा गएर माफी मागे ५० प्रतिशत जनताको रिस मर्ने बताएका छन् । उनले पार्टी नेता अलिअलि अहंकारी, लोभी, पापी भएका कारण पार्टी नबनेको बताए ।

माओवादी समर्थित संस्था सिन्धुपाल्चोक काठमाडौं सम्पर्क समन्वय समितिको दोस्रो सम्मेलनलाई सम्बोधन गर्दै प्रचण्डले जनतामा माओवादीप्रति निराशा उत्पन्न भएकाले जनतासमक्ष गएर माफ माग्दै आफ्ना योजना सुनाउनु पर्ने बताए ।

उनले कार्यकर्तालाई आगामी निर्वाचनमा खटेर काम गर्न निर्देशन दिए । ‘आगामी निर्वाचनमा सिन्धुपाल्चोकमा हाम्रो पक्षमा क्लिन स्वीप हुन्छ भन्ने विश्वास गरौं,’ प्रचण्डले भने, ‘अरु कुरा जेसुकै गर्नुस् मलाई चाहिँ हेरिहनुस्, अब ७० लागियो, मर्निङ वक तपाईंहरूसँग पनि हिंडेको छु, खटेर काम गरिरहेकै छु ।’