काठमाडौं- पूर्वसांसद डा. अमरेशकुमार सिंहले रवि लामिछाने बालेन्द्र साह र कुलमान घिसिङ केही समयपछि एकै ठाउँमा आउने दाबी गरेका छन्।

विगठित प्रतिनिधि सभामा स्वतन्त्र सांसद सिंहले काठमाडौं महानगरपालिकाका मेयर साह, राष्ट्रिय स्वतन्त्र पार्टीका सभापति लामिछाने र उज्यालो नेपाल पार्टीका संरक्षक तथा ऊर्जामन्त्री घिसिङ एकै ठाउँमा आउने दाबी गरेका हुन्।

काठमाडौं महानगरपालिकाका मेयरसँग ललितपुरमा भएको संवादपछि बाहिरिएका उनले पुराना दलको भ्रष्टाचार र कुरीति अन्त्य गर्न नयाँ मिल्नुको विकल्प नभएको बताए ।

‘पुराना दलले गरिरहेको भ्रष्टाचार र देशमा ल्याएको अस्थिरतालाई अन्त्य गर्न बालेन, कुलमान र रवि एक ठाउँमा आउनुहुन्छ’, सिंहले सञ्चारकर्मीसँग भने, ‘सबै वैकल्पिक शक्तिहरू सहकार्य गरेर जाने विषयमा कुरा सकारात्मक छ।’