रुपन्देही– गृहमन्त्री ओमप्रकाश अर्यालले रूपन्देही जेन-जी नेपाल समुहका केही युवाहरूलाई मङ्गलबार भेटेर उनीहरूले बुझाएका ज्ञापन पत्र बुझेका छन् ।

भेटका क्रममा गृहमन्त्री अर्यालले कानूनी राज्यको सबैले पालन गर्दै सुरक्षा निकायलाई निष्पक्ष छानविन गर्न सबैले सघाउनु पर्ने बताए। 

भेटमा जेन-जी युवाहरूलाई भदौ २४ गतेको घटना र २३ घटना फरक कोणबाट सरकारले हेरिरहेको र घटनाको निष्पक्ष छानविन हुने गरी सुरक्षा प्रशासनले काम गरिरहेकोसमेत जानकारी दिए। 

जेन-जीहरुले आफूका साथीहरू अझै कोही घर बाहिर निस्केर हिड्‌न नसकेको जानकारी गराउँदै त्यसका लागि सहज वातावरण निर्माण गरिदिन आग्रह गरे। जेन-जी रूपन्देही नेपाल को तर्फ बाट सुरज पोखरेल, रवि श्रेष्ठ र राजु श्रेष्ठले मन्त्री अर्याललाई ज्ञापन पत्र बुझाएका थिए ।

सोही क्रममा प्रहरी महानिरीक्षक दान बहादुर कार्कीले पनि प्रहरी प्रकाशनले सदैव कानूनलाई सघाउनेलाई पनि कानूनले नै सघाउने गरी दोषी  नदेखिएकालाई निर्दोष करार गर्न सहयोग गर्ने बताए ।