काठमाडौं– सडक डिभिजन कार्यालय भरतपुरले पहिरोको उच्च जोखिम रहेका स्थानमा सवारी पार्किङ नगर्न आग्रह गरेको छ ।

नारायणगढ मुग्लिन सडक खण्डको कालिखोला, टोपेखोला, नाम्सिखोला, चिसेन्जीखोला, सिमलताल क्षेत्रहरुमा पहिरोको उच्च जोखिम रहेको कारण सो स्थानमा पार्किङ नगर्न आग्रह गरेको हो । 

हिजो राति सो सडक खण्डमा  पहिरो पन्छाउने क्रममा माथिबाट खसेको ढुंगा लागेर सिनियर अपरेटर राजु मगर घाइते भएका इन्जिनियर कृष्णप्रसाद आचार्य सूचना अधिकारीले बताए ।

 उनले भने,  ‘तुइन खोलाबाट दुई कि.मि पर रोकेर राखेका सवारीले आवतजावत गर्न कठिनाइ हुँदा मगर घाइते भएका थिए । अहिले उनको अवस्था सामान्य छ,’ उनी थप्छन् , अहिले अन्य खण्ड सबै क्लियर नै छ । अब तुइन खोलामा थप पहिरो नखसे भोलिदेखि सुचारु हुने छ । ‘

कार्यालयले उनको शिघ्र स्वास्थ्य लाभको कामनासमेत गरेको छ ।