काठमाडौं– प्रतिनिधिसभाअन्तर्गतको राज्य व्यवस्था तथा सुशासन समितिको सभापतिको निर्वाचनका लागि तालिका सार्वजनिक भएको छ ।

सोमबार प्रतिनिसभाका सचिव हर्कराज राईले भदौ ११ गतेका लागि निर्धारण गरिएको सभापतिको निर्वाचनको कार्यतालिका सार्वजनिक गरेका हुन् । 
जसअनुसार भदौ १० गते दिउँसो १ बजेदेखि ४ बजेसम्म प्रस्ताव दर्ताको समय निर्धारण गरिएको छ । 

यस्तै भदौ १० गते सवा ४ बजे निर्धारित समयभित्र दर्ता भएका प्रस्तावको दर्ता क्रमअनुसार सूची प्रकाशन हुने छ । 

यस्तै भदौ ११ गते दिउँसो ३ बजे राज्य व्यवस्था समितिको बैठकमा प्रस्तावकले प्रस्ताव प्रस्तुत गर्ने, समर्थकले सम्बन्धित प्रस्तावको समर्थन गर्ने र उक्त प्रस्ताव निर्णयार्थ प्रस्तुत गरिने छ । 

उक्त बैठक समितिको कार्यकक्षमा बस्ने संसद् सचिवालयले जनाएको छ ।