सुर्खेत- सुर्खेतबाट जुम्ला जाँदै गरेका फोर्स गाडी दैलेखमा दुर्घटना भएको छ । कर्णाली प्रदेश ०२-००१ ज ००४६ नम्बरको फोर्स गाडी दैलेखको दुल्लु नगरपालिका–१ तल्लो डुंगेश्वर डुंगेल मन्दिर नजिक दुर्घटना भएको हो ।
गाडीमा सवार १९ मध्ये १२ जना घाइते भएका छन् । यी घाइते मध्ये गम्भीर घाइते ५ जनालाई थप उपचारको लागि सुर्खेत पठाइएको जिल्ला प्रहरी कार्यालय दैलेखका प्रमुख गणेश बरालले बताए ।
उकालोमा यात्रु चढाउन लाग्दा गाडी व्याक गएर सडकबाट करिव १५ मिटर तल खोल्सामा खसेको स्थानीयले बताएका छन् । दुर्घटना लगत्तै चालक फरार भएको र सहचालकलाई प्रहरीले नियन्त्रणमा लिएको छ । घटनाका विषयमा अनुसन्धान भइरहेको प्रहरीले जनाएको छ ।
प्रतिक्रिया