काठमाडौं– एभरेष्ट बेैंकले चैत ४गतेदेखी सप्ताहव्यापी अभियानअन्तर्गत ‘ग्लोबल मनी वीक २०२५’ को उपलक्ष्यमा देशभर वित्तीय साक्षरता कार्यक्रमहरू सम्पन्न गरेको छ ।

उक्त कार्यक्रम अन्तर्गत बैंकले ७ वटै प्रदेशका शाखामार्फत विभिन्न स्कुल/क्याम्पसहरूमा वित्तीय साक्षरता कार्यक्रमको आयोजना गरी झन्डै ३००० हजार भन्दा बढी विद्यार्थीबीच वित्तीय साक्षरता सन्देश दिएको बैंकको दाबी छ । 

‘थींक वीफोर यू भलो, वाइज मनी टुमरो’ भन्ने नाराका साथ सम्पन्न गरिएको विभिन कार्यक्रममा युवालाई वित्तीय ज्ञान, सीप, मनोवृत्ति, वित्तीय समावेशीकरण, वित्तीय सचेतना, सुरक्षित डिजिटल कारोबार, बैंकले दिने सेवा र यसमा अपनाउनु पर्ने सावधानीका विषयमा सचेतना कार्यक्रम आयोजना गरिएको थियो ।